2010年7月26日 星期一

一口一口林明頓Lamington (附食譜)

還記得五、六年前第一次遇見Lamington, 就是在Starbucks裡, 當時只賣三元, 好好味呀! 一試難忘~ 到了今天終於可以自己動手試試啦!



第一次做, 只做穩陣派的朱古力味。



第二次做, 今次做了三款口味, 有朱古力、芒果(顏色好吸引!)、綠茶(顏色淡了些)。



拿了兩大盒回公司給我的白老鼠同事們試一試啦! 大家都話好好味, 希望唔係逗我開心啦~ 多謝你們咁俾面~



蛋糕材料︰



  1. 白糖                            33 克

  2. 自發粉                        33 克 

  3. 粟粉 / 生粉                 17 克

  4. 水 / 奶                         10 克

  5. 牛油                              7 克

  6. 蛋                                  2 隻

蛋糕做法:



  1. 焗爐預熱15分鐘180度。

  2. 用牛油紙包在長形箍的底部,放在底盤上備用。

  3. 將蛋、糖打至奶白色,要發泡及企身為止。

  4. 加入篩過的自發粉和粟粉,輕輕用膠刮由粉漿的中間開始,由底挑起,有粉粒的用膠刮輕輕挑入漿攪勻;再用膠刮格,將溶牛油(可用熱水座溶或微波爐叮溶)及水倒在膠刮上流入粉漿內,再輕輕攪勻,倒入長形箍內。

  5. 將蛋糕漿放入 焗爐,焗約20-30分鐘,待涼切件,形狀隨意。

朱古力糖霜材料︰



  1. 朱古力 (溶化)          100 克

  2. 椰絲                         100 克

  3. 鮮奶                           60 克

  4. 牛油(溶/軟)            7 克

朱古力面的做法︰



  1. 將鮮奶加熱,把切碎的朱古力加入整溶,攪至冇粒狀,加入牛油攪溶為止,如無法完全溶解,可放入微波爐叮20秒。

  2. 將切好的蛋糕,遂粒放入朱古力漿內撈勻,將多餘的朱古力刮去,薄薄一層就可以,跟住放入椰茸內碌勻即成,最後放入雪櫃內。

**************************************************************************


如果想做其他口味Lamington,例如綠茶味,可在蛋糕做法步驟3後,加入1/4茶匙綠茶香油拌勻,或先在自發粉內加入1茶匙綠茶粉。


綠茶糖霜材料︰



  1. 白朱古力 (溶化)         100 克

  2. 椰絲                            100 克

  3. 鮮奶                              60 克

  4. 牛油(溶/軟)               7 克

  5. 綠茶香油                  1/4茶匙

做法和朱古力面的做法一樣,最後加入綠茶香油 拌勻。


**************************************************************************


如果想做其他口味Lamington,例如芒果味,可在蛋糕做法步驟3後,加入1/4茶匙芒果香油拌勻。 (有芒果蓉就更加好啦~)


芒果糖霜材料︰



  1. 白朱古力 (溶化)         100 克

  2. 椰絲                            100 克

  3. 鮮奶                              60 克

  4. 牛油(溶/軟)               7 克

  5. 芒果香油                  1/4茶匙

做法和朱古力面的做法一樣,最後加入芒果香油 拌勻。


**************************************************************************


林明頓蛋糕是著名澳洲糕點,相傳昆士蘭州總督Baron Lamington的家傭,有一次不小心將蛋糕塊掉入巧克力漿中,因時間緊迫,將錯就錯拿給總督,總督一嚐覺得好吃又特別,還要沾上椰絲,免得沾得滿手巧克力,這種蛋糕也命名為林明頓。 在廿世紀初,沒有冰箱保存食物,蛋糕不能久放,很快會變得乾硬,沾上巧克力糖漿,是為了加強蛋糕的吸引力,令「隔夜」蛋糕變得好吃。


2010年7月20日 星期二

和光鐵板燒

今日Honey生日,特登請假陪佢去慶祝,去咗 Mega Box 內的 "和光" 食鐵板燒Lunch~晒落好似好豐富,其實都唔太食得飽架。


(之後仲見到明星呀~~ 係滕滕,滕麗明)



2010年7月15日 星期四

皮革散子包

<散子包大作戰>


第一次做皮革小手作, 先來挑戰散子包啦~


感覺要花點心思和時間, 不過完成時有好大滿足感呢!


對皮革製作一無所知嘅我, 今次上呢個workshop可以成功完成, 真係好開心!







 


2010年7月12日 星期一

Octave

<柯廸夫>裡面有好多歌都好好聽呀! 最主要因為有王苑之&張敬軒把靚聲囉~


說夢想的音樂劇我是很喜歡的。


 還記得我上次看彭秀慧<月球下的人> 也是談夢想, 那次是她一人的獨腳劇, 不過, 有好多次我耐住想哭.
今次我沒有, 上半part都幾搞笑, 算是輕鬆的。
很喜歡看音樂劇! 佢地唱歌真係好好聽~ 出面有cd賣, 不過我無買. 仲有琴譜, design得好靚~
<柯廸夫>係佢地未能完成嘅夢想, 長大之後, 大家已經因為現實而把佢遺忘了......


所以再提起,令大家知道有些事不可以太遲做,就算遲,做過,都還是值得的。


希望大家也為自己的夢想努力加油啦!