2012年2月23日 星期四

彩繪蛋糕卷 [上集] (附圖食譜做法)

軟綿綿毛巾捲起來了啦!這條「毛巾」是不是都騙得到人呢~ 嘻嘻~

可以除個人喜歡,繪畫什麼圖案自由發揮,真是很多變化又獨一無二呢!



今次我無捲爆條卷蛋啦,而且表面沒有了啡色表皮,真係好開心!

要讚吓自己這次已經做得很不錯呢!有進步~  \(^o^)/



分享一下,多多指教~






< 材料> :

(A) 蛋糕體



  1. 中型雞蛋 --------- 3隻 (把蛋白和蛋黃分開放)
  2. 細砂糖a ----------- 35g
  3. 細砂糖b ----------- 30g
  4. 水 ------------------- 60ml
  5. 菜油(沙拉油) ------ 40ml
  6. 雲呢拿香油 -------- 1/4茶匙
  7. 低筋麵粉(過篩) ---- 80g
  8. 粟粉 ----------------- 3/4茶匙




(B)
圖案


  1. 低筋麵粉(過篩) ------- 1/4茶匙(每份)
  2. 色膏/食用色素 -------- 適量/數滴 (啡,紅,粉紅,黃)
  3. 中型雞蛋 -------------- 1隻 (只要蛋白)
  4. 粟粉 ------------------- 1/4茶匙


 
(C) 其他


  1. 焗盤 (我用的是長方形 33 X 22.7 X 3.6cm) (而書建議的SIZE是 25cm X 25cm 方形焗盤)
  2. 牛油紙



<
做法 > : 焗蛋糕

(A)   預熱焗爐17015分鐘

(B)   焗盤放上圖案草圖,再鋪上牛油紙,掃上薄薄一層菜油




(C)   製作蛋黃麵糊



 

 

1)   大碗內放3個蛋黃,加入細砂糖a,用電動打蛋器打至很淡黃色。







2)   依次加入水、菜油、雲呢拿香油,攪拌均勻。




3)   將低筋麵粉篩入,用電動打蛋器充分攪拌到麵糊出現黏性。







(D)   製作圖案 (自由發揮)


1)   視乎圖案有多少顏色,預備相同數量的小碗,每碗放入1-2小匙做好的(C)蛋黃麵糊,每碗再加入1/4茶匙低筋麵粉(過篩),拌勻後每碗加入不同色膏調色。




2)   另一盤內把1隻蛋白打散,用電動打蛋器打至呈尖角狀態,加入1/4茶匙粟粉再打一會成蛋白霜。

3)   把這蛋白霜分成幾份加入1)的小碗中,攪拌均勻,分別放入唧袋。

做圖案的麵糊加多點蛋白霜,
而且不能攪拌得太久,
要令圖案麵糊仍然是糊狀,
不能太稀太水的,
那圖案的線條就會比較易貼到蛋糕上了!




4)   唧袋剪小小角,將圖案畫在焗盤上,要分開數次畫,每次立即焗(第一次應先畫線條,焗好再填滿其他顏色),每次放入焗爐焗1分鐘以定形(覺得不夠可再焗30)








(E)   製作蛋糕體


1)   將蛋糕體材料的3隻蛋白打至發泡,加入細砂糖b再打起,加入3/4茶匙粟粉,打至呈尖角狀態,再加入(D) 製作圖案餘下的蛋白霜拌勻。



 



2)   把這蛋白霜分3次加入(C)蛋黃麵糊中,輕手充分拌勻。

3)   用唧袋放入部分麵糊,沿圖案邊緣和表面填滿(防止圖案附近有多餘空氣影響外觀),再把餘下麵糊倒入焗盤,用膠刮抹平,焗盤輕敲2-3次,以消除大氣泡。




4)   放入已預熱的焗爐以170度焗14分鐘,表面金黃色,用竹籤插入測試,沒有沾上麵糊即焗好啦!




32 則留言:

  1. 好靚呀!! 多謝分享。
    [版主回覆02/23/2012 21:28:18]多謝到訪~ =>

    回覆刪除
  2. 好靚呀~
    [版主回覆02/24/2012 17:19:50]太過獎喇~ 多謝你到訪!=)

    回覆刪除
  3. 殷師奶 HeBi Yuen2012年2月25日 凌晨1:54

    嘩~~你真係好犀利呀~我打書釘時睇過下,你整得比佢更靚呀))))))
    [版主回覆02/25/2012 22:39:03]我只係初哥,仲有排學呀,點及得呢本書的作者做得咁完美吖~

    回覆刪除
  4. 我想問下D色膏要唔要用水開佢? 本書話要加少少水開, 定係就咁滴少少MIX都OK呢?
    [版主回覆02/25/2012 22:41:12]係呀,本書係教開少少水的,而我就只係滴少少無加水啦,因為我覺得咁都OK所以做少一步 =P

    回覆刪除
  5. 今晚我成功了, 我今次係不沾布上面畫士多啤梨圖, 之後再上色。因為上次我痴晒紙做唔到, 請問知唔知不沾布係咪唔摺得? 我見摺過既地方整完發現有成條裂痕。同埋當我打一隻蛋白時, 好似打完都好散咁既, 係咪得一隻少得滯打唔起? 不過當我混入色糊時都OK, 因為只係整粉紅色, 我都加多了蛋白, 畫係不沾布上都夠挺身。
    [版主回覆02/27/2012 09:47:50]陳師奶~ 恭喜你成功咗呀!!
    不沾布應該好用過牛油紙啦,我用牛油紙焗完會有d皺紋,可惜我仲未買到淺色可透底的不沾布吖...
    不沾布我係卷埋收藏架,我覺得唔好摺喇,會有痕,有痕點會平滑呢。
    打蛋白個盤千期唔好有水有油有蛋黃,要乾淨呀,我用快速打起的(好似約2-3mins)

    回覆刪除
  6. 多謝分享呀! 呢樣我想整好耐, 但又唔清楚點整, 你呢個寫得好清楚, 圖文並茂, 我有時間第一時間整嚟玩.
    [版主回覆03/13/2012 12:10:30]多謝參觀!唔洗客氣~ 你有時間都快d玩吓啦~ =)

    回覆刪除
  7. 書中第六頁話: 要把d 蛋預先冷藏, 但我之前做的蛋糕都是要預先放蛋至室溫才用, 邊個自岩呀?多謝指教!
    [版主回覆03/13/2012 12:12:26]我都有跟書做法,將蛋白冷藏呀~
    不過如果做海綿蛋糕的蛋我就係放室溫先用,咁會易d打起。

    回覆刪除
  8. 仲有牛油紙下面有hello kitty圖案果張紙, 用我print出來的影印機紙可以嗎, 焗時要不要取出來?
    [版主回覆03/13/2012 12:39:19]過獎了!入爐前我有拍幾下個焗盤等佢d大泡泡走架~
    [wai回覆03/13/2012 12:14:48]你整得好靚呀, 又冇泡泡, THANKS!
    [版主回覆03/13/2012 12:13:36]張草圖紙我都係print出來架,焗時不用拿出來啦~

    回覆刪除
  9. 唔好意思,我今日都嘗試整這個彩繪卷,但我撕開牛油紙既時候,個圖案黐住咗張牛油紙,好醜怪呀~~點解會咁既???
    [KASUHMI回覆04/10/2012 12:02:18]係喎~~我睇溜咗添~~ ﹕p..咁我下次會掃層油先架啦,謝謝你...
    [版主回覆04/10/2012 09:36:11]牛油紙係要掃一層油先架~~ 我上面都有寫呢~
    [KASUHMI回覆04/09/2012 22:18:47]謝謝你回覆我呀!!我係用色粉架,不過都有加水,我諗係我攪得太耐唔夠杰身,但唔攪耐d..蛋白同d顏色漿又唔勻~~~好煩呢~~我見有人話係牛油紙到塗上一層油再畫圖案會好d,是否真呢??如果用錫紙又如何呢??又麻煩你了!!
    [版主回覆04/09/2012 13:27:19]其實我都有呢個情況架... 可能係顏色麵湖落得太多色素導致太水,又或者攪拌太久無晒空氣唔夠杰身啦,同埋可以試吓牛油紙改用不沾布或者會無咁黐住個圖案,要好慢咁撕,我都會將甩出來的貼回蛋糕上... 我還未能完全解決這問題呢...

    回覆刪除
  10. 小Jo,
    好靚呀! 睇你的刮板跟焗盤size對比, 焗盤好像很細個的. 請問你用咩size的焗盤?
    [colgate回覆04/12/2012 15:01:45]我地屋企細嘛放唔到咁大...
    [版主回覆04/10/2012 13:13:00]我個焗盤係好細呀,無辦法啦,
    因為個焗爐都唔太大,得呢個焗盤先放得入囉... >o<

    回覆刪除
  11. 請問你個盆是幾大的?我或者太細個盆,卷不好•••••
    [版主回覆05/13/2012 09:14:07]我用的焗盤是33*22.7*3.6cm
    而書建議的SIZE是 25cm X 25cm 方形焗盤~

    回覆刪除
  12. print個張草圖係咪要左右調轉黎print架??
    [版主回覆06/04/2012 09:30:46]係呀,我先用excel反轉張圖架~

    回覆刪除
  13. 請問淺黃色,是怎樣調出來的?
    妳做的HELLO KITTY彩繪卷很吸引我,
    如打不成風,會去二德惠買料試做。
    謝謝妳的分享,很詳細。
    [版主回覆06/29/2012 12:40:46]hi~ 你好吖~
    你是指蛋糕體的淺黃色嗎?? 是蛋黃的顏色呀~
    如果想要另一d色,可以加dd人造色素。

    回覆刪除
  14. Hello!妳做得好靚呀,我也有跟妳試做,不果D圖案胡做了出來很少,就好似妳D picture 一小碗,我把一隻旦放灑都很少,我想問妳,妳pictureD唧袋咁脹,咁多?是不是我漏了什麼呢!!
    [版主回覆06/29/2012 12:46:09]hi~ 你好吖~ 我都只係用1隻蛋白,唧袋放唔多,size如一隻蛋,手心都包得住個唧袋啦,可能因相片我無用手compare所以睇唔到大小比例。圖案麵糊唔需要太多架~

    回覆刪除
  15. Hi!多謝妳回答,吾知係未我用是Gel Food Color,下次試用liquid
    Thnx^^

    回覆刪除
  16. 我想問圖案填一次就要放入焗爐焗1分鐘以定形,咁係要預熱幾多度?^^
    [版主回覆07/25/2012 09:20:45]預熱170度呀,填圖案可以之前諗定點填以減少入爐次數啦~

    回覆刪除
  17. 另外,可吾可以用橄欖油代替?
    開頭預熱170度15分鐘係做咩?thx^^
    [版主回覆07/26/2012 14:16:35]用橄欖油代替應該都可以架,只要用掃薄薄掃上便可。
    焗爐要先俾時間佢預熱(預熱時可見發熱線是紅色的),才可放麵糊入去焗,如果焗爐未熱就入爐,那麼時間便不準確了。

    回覆刪除
  18. 你的蛋糕很BEAUTIFUL. 可以給我圖紙嗎?
    我家的焗爐很小, 只有25X18CM 所以我唔知買咩焗盤好, 點好..
    [版主回覆08/06/2012 14:19:19]如果焗盤較細可試試將材料份量自行減少
    [版主回覆08/06/2012 14:18:08]hi~ 可以留email給我再send圖file給你的

    回覆刪除
  19. 好靚丫.....想問, D 公仔係唔係搵張 NORMAL A4 , 印上去就OK??THANKS
    [版主回覆09/11/2012 10:54:07]個焗盤有幾大張草圖紙就幾大啦~

    回覆刪除
  20. 想問D 圖案 點先為之 [定形]?
    [版主回覆09/19/2012 10:09:53]大約焗1分鐘170度,會見到個圖案麵糊微微脹起就ok啦

    回覆刪除
  21. 想請教 : 食譜中的菜油用橄欖油得不得?
    粟粉係不係即係我地用的鷹粟粉?

    THX . 你做得好靚, 我宜家做定功課先.
    [香格里拉回覆10/12/2012 17:28:13]多謝你的解答, 等我做好功課整俾個女食, 一定開心. 你冩得好詳細, 方便我呢的初學者. THX .
    [版主回覆10/12/2012 17:20:23]橄欖油應該都得,粟粉係呀~
    多謝光臨~

    回覆刪除
  22. 你好!我整左幾次都整唔到http://blog.yahoo.com/_ZLPXPKX43E452H6IJPBOWEL5P4/articles/898308/index
    圖案好易同牛油紙分開,,倒蛋糕體麵糊落去果陣佢就浮起d,最後個圖案朦曬,
    唔知你有冇方法解決哩個問題呢?thx^^
    [版主回覆11/07/2012 09:37:27]hi~ Eric你好,有可能係張牛油紙掃得太多菜油,我係用一小張廚房紙薄薄搽上菜油在牛油紙上的﹔又可能係圖案未焗至定形就倒入麵糊﹔又可能係圖案的線條太稀唔夠杰身,我只係諗到呢d有可能嘅原因喇~ 加油呀!希望下次會成功啦!

    回覆刪除
  23. 我想問如果擺賣張紙入去會唔會燒著?
    因為我果張只係普通A4紙。咁高溫!
    [版主回覆12/17/2012 10:05:54]可能因為我個盤下面仲有個底盤,所以火力無咁猛啦。
    [MAY回覆12/15/2012 03:25:05]我個爐將張紙焗到脆曬+黑左
    [版主回覆11/28/2012 09:43:45]hi, May~ 我張都係普通紙呀,我個爐溫OK無出事~ =P

    回覆刪除
  24. 我想問170度焗14分鐘係上火定下火?
    [版主回覆12/17/2012 10:07:09]咁可能你個爐火勁過我嗰個喎,試下個爐唔好咁高溫度?
    [MAY回覆12/15/2012 03:23:51]我用完之後D圖案黑曬...>_<
    [版主回覆12/13/2012 09:45:56]hi~~ 我是用上下火的呀~

    回覆刪除
  25. 我見到你個D蛋黃麵糊好杰,但我個D好稀,WHY?
    我根足你個食譜黎做,但....
    [版主回覆12/17/2012 10:09:09]蛋白有無打起呀? 最好加打起蛋白乒麵糊時要輕手(用fold-in 方法)拌勻就ok喇,唔可以攪太耐,如果唔係就會無晒空氣好稀了。

    回覆刪除
  26. 你好,我捲完蛋糕後,食落口覺得d圖案個質感好硬,好難食。其實我錯左d咩,你可否告訴我其實個圖案口感係咪真係咁硬架,謝謝
    [版主回覆01/03/2013 17:27:00]如果你畫圖案好大幅,咁都要加大份量先夠你用啦
    [版主回覆01/03/2013 17:26:07]D圖案糊如果太水會好難唧線條形狀喎,不過你話你d好杰,咁可以試吓加多少少麵糊可能會無咁硬口掛
    [sin ting回覆01/03/2013 12:47:35]多謝你既回覆,其實我都有買過本書學整,我已跟住佢份量整,但整出黎既時候d漿好杰同埋份量好少,好似唔夠唧咁。其實d份量需唔需要自行加大呢?大
    謝謝
    [版主回覆12/31/2012 09:42:49]個圖案係比蛋糕本身實少少,但又唔係硬得好緊要架喎,會唔會係落咗太多粟粉/太少麵糊/焗得太耐?!

    回覆刪除
  27. 請問有什麼方法可以d公仔唔會痴住張紙呢???thz!!

    回覆刪除
  28. 如何調出咖啡色
    [版主回覆03/08/2013 17:12:37]我是用啡色色膏的

    回覆刪除
  29. 妳好!在那找到公仔圖
    [版主回覆05/03/2013 15:36:22]字體是在EXCEL自己加上去的~
    [版主回覆05/03/2013 15:35:40]我是在GOOGLE找圖片的呀~

    回覆刪除
  30. 好靚啊... 我個焗爐得19升, 焗爐好像不夠大, 好想整這類卷蛋糕, 請問你這個焗盤尺寸大約多少??
    [版主回覆08/29/2013 18:10:41]Hi, Kitty~
    我用的焗盤是長方形 33 X 22.7 X 3.6cm
    而書建議的SIZE是 25cm X 25cm 方形焗盤

    回覆刪除
  31. 請問是否全本書大部份食譜都是 25cm x 25cm 方形焗盤呢?
    [版主回覆09/02/2013 11:00:38]應該係啦,呢個焗盤size是書本建議的呀~

    回覆刪除