又香又滑又酥脆的酥皮奶皇月餅~~(附月餅食譜)

份量 : 可做8個 (50g月餅模)

酥皮材料 :

去九龍城食泰菜 @ 籽苗葉泰國餐廳

雖然公司在附近，不過真係好少放工黎九龍城食dinner，呢到有太多泰國菜餐廳選擇啦，最後我地揀咗呢間試下，聽門口姐姐話有全單8折&飲品買一送一。(不過睇睇下折咗同另一間的正價差不多...)

炭燒沙嗲串燒 (半打原價$60) - 叫咗豬牛雞各2串

期待的點心 @ 添好運點心專門店 (深水埗)

成日經過旺角都見添好運排長龍，真係好想試呀，但又唔想等~

之後見到有新店在深水埗，地方比較大些，所以，今日放工拿拿林走去試下啦，去到唔洗等位喎，真好!

必吃"酥皮焗叉燒包"! ($12)

"酥皮焗叉燒包"黎到係熱辣辣架~ 仲要好juice! 呢個好正~

馬拉糕好鬆軟~ ($10)

晶瑩鮮蝦餃 ($18)

鮮蝦燒賣 ($18) - 賣相有d樣衰...

白汁雞絲春卷 ($14) - 都好脆架，有d磨菇粒

潮州蒸粉果($10) - 好彩裡面得一粒我唔鍾意食嘅花生~

其實點心紙選擇不多，就只得呢一張，不過碟碟上枱都係熱辣辣的，所以感覺很好!!

聽講如果book房會有特別點心order，唔知有咩呢?

又一皮革小傑作啦 - My DIY 靚靚皮革小包

原來做皮革小包最難最花時間係縫合corner位呢~ 不過用咗彩色線真係好靚! 大家整嘅小包都各有style~ 獨一無二! Yeah~

呢個皮包有前後兩隻色

先用紙樣同銀筆畫好形狀

我用深色做面，因為驚淺色易dirty嘛

先用雙面膠紙貼在一起，再打孔，咁就唔會咁易走位啦! 打完孔一陣就可以縫線喇~

等我響小包前面加d裝飾先~

最艱巨嘅任務開始啦~
就係縫合四個角位!

終於都縫合好四個角位啦~~ Yeah!

聯咗彩色線睇下幾靚~ 呵呵~

聯咗彩色線睇下幾靚~ 呵呵~

加埋拍鈕就大功告成啦~

大合照時間~
(已經係夜晚12點幾啦)

DIY靚靚皮革證件套~ 叫我點捨得用呢~

可以自己親手做皮革證件套，真係好玩又好有滿足感架!

今次5個朋友仔一齊包堂玩，比上一次真係開心好多呢!

好似開Party咁正~ 

昨晚上完一堂，今晚再上埋第二堂，好期待我個皮革小包呀!

先用銀筆跟紙樣畫出證件套線條，分前面和後面，證件套可以做打橫OR打直。

用cutter剪出黎原來都要幾大力架喎~

我用d模打咗d花紋上我個證件套，仲印埋自己個名上去添~ 咁就獨一無二啦!

要先用呢個菱角叉型工具打d孔，咁之後先容易縫線囉。

終於都到咗最花時間嘅步驟喇，就係縫合。(一定要好小心，我唔想縫錯啦~)

Yeah~~~ 縫好啦!!

開個窿加埋絛掛頸繩就大功告成啦!!

咁開心完成自己嘅證件套，緊係要一齊影張大合照啦~

熱辣辣等唔住要即刻咬啖鳳梨酥和奶黃酥啦~ (附食譜)

可做鳳梨酥和奶黃酥各5件

材料:

1. 雪油/牛油/植物牛油     83g


2. 砂糖/糖霜                     28g


3. 蛋                                 28g


4. 芝士香粉                       7g (1湯匙)


5. 奶粉                             12g (2湯匙)


6. 奶油香粉                      1/2 茶匙


7. 低筋麵粉                      125g


8. 鳳梨餡                          100g (分5份, 每份20g)


9. 奶黃餡                           100g (分5份, 每份20g)

做法:

1. 雪油和砂糖攪至淡色，分次加入蛋，拌勻


2. 芝士粉、奶粉、奶油香粉和麵粉同篩，加入(1)內，搓成粉糰，放入雪櫃雪一會 (因為太軟好難搓，手亦不可太長時間接觸粉糰，會易溶和出油架~)


3. 把粉糰分成10份，包入餡料，壓在模內 (做之前，枱面、手和模具都要灑點高筋麵粉以防拈手)


4. 用180度焗13-15分鐘 (入爐放中層，焗約6分鐘後見底面有金黃色就要連模反轉，減火至160度，2分鐘後取走模具)

奶黃酥小貼士:

1. 奶黃粉糰加1湯匙低筋麵粉搓勻，之後才分成5份包入奶黃餡


2. 奶黃酥入爐前要先掃蛋黃液，入爐後3-5分鐘再掃多次蛋黃液


3. 奶黃酥出爐前掃上糖水 (糖和水比例 1:1) 咁出黎d奶黃酥就會好令好靚仔啦~


4. 奶黃酥d餡因為焗時會膨脹，所以出爐奶黃酥裂開係正常架~ 同埋唔好放入模具焗呀! 可以好似我咁搓成攬核型。