樓下新店一試~ Pizza & Chicken

屋企樓下得個迷你商場仔，選擇不多，
唯一一間茶餐廳就變咗我地嘅飯堂，
但最近，見新開咗間快餐，
又有炸雞啦，又有pizza，又有意粉...
但這間店，我未聽過，咁，就膽粗粗試一試新嘢。



打開餐牌，見「皇牌套餐」和「輕盈套餐」內容完全一樣喎，
但價錢差5元，究竟有咩分別呢?!

問下人先...
個姐姐話，輕盈套餐份量少d架，
不過，少幾多呢? 量度唔到...
我就order呢個啦，至於honey，就order皇牌套餐，
來個比併！

honey的「皇牌套餐」叫了 : 餐湯 + pizza一件 + 蕃茄肉醬意粉
我的「輕盈套餐」叫了 : 餐湯 + 炸雞一件 + 菠菜魚柳焗飯

我覺得皇牌同輕盈的份量根本無分別，食到好飽，早知叫2個輕盈，慳番5蚊... =p

忌廉湯點解唔熱架... 連暖都不如，差不多是冷的 -_-" (個碗好似兒童餐用的)
炸雞夠熱，好脆，都幾嫰，唔辣，味道就係KFC濃味d啦
個pizza都好食，因為好脆又多醬!
我個「輕盈套餐」的菠菜魚柳焗飯... d飯好難食，好似生生地未熟透 @.@!
相比起，蕃茄肉醬意粉好食好多~


咁又一餐~
這間快餐原來都有好幾間分店，但我上openrice search又找不到喎 ^.^? 奇怪...